قائداعظم سفرِریل کے دوران اپنے لیے دو برتھیں مخصوص کرایا کرتے تھے۔ ایک مرتبہ کسی نے ان سے وجہ دریافت کی تو جواب میں انھوں نے یہ واقعہ سنایا ’’میں پہلے ایک ہی برتھ مخصوص کراتا تھا۔ ایک دفعہ کا ذکر ہے، میں لکھنٔو سے بمبئی جا رہا تھا۔ کسی چھوٹے سے اسٹیشن پر ریل رکی تو ایک اینگلو انڈین لڑکی میرے ڈبے میں آکر دوسری برتھ پر بیٹھ گئی۔ چونکہ میں نے ایک ہی برتھ مخصوص کرائی تھی، اس لیے خاموش رہا۔
ریل نے رفتار پکڑی تو اچانک وہ لڑکی بولی ’’تمھارے پاس جو کچھ ہے فوراً میرے حوالے کردو، ورنہ میں ابھی زنجیر کھینچ کر لوگوں سے کہوں گی کہ یہ شخص میرے ساتھ زبردستی کرنا چاہتا ہے۔‘‘ میں نے کاغذات سے سر ہی نہیں اٹھایا۔ اُس نے پھر اپنی بات دہرائی۔ میں پھر خاموش رہا۔ آخر تنگ آ کر اُس نے مجھے جھنجھوڑا تو میں نے سر اٹھایا اور اشارے سے کہا ’’میں بہرہ ہوں، مجھے کچھ سنائی نہیں دیتا۔ جو کچھ کہنا ہے، لکھ کر دو۔‘‘
اُس نے اپنا مدعا کاغذ پر لکھ کر میرے حوالے کردیا۔ میں نے فوراً زنجیر کھینچ دی اور اسے مع تحریر ریلوے حکام کے حوالے کردیا۔ اس دن کے بعد سے میں ہمیشہ دو برتھیں مخصوص کراتا ہوں۔‘‘
Quaid E Azam safar-e-rail ke douran apne liye doo barthain makhsoos karaya karte thay. aik martaba kisi ne un se wajah daryaft ki to jawab mein unhon ne yeh waqea sunaya' ' mein pehlay aik hi birth makhsoos karata tha. aik dafaa ka zikar hai, mein lucknow se Bombay ja raha tha. kisi chhootey se station par rail ruki to aik anglo indian larki mere dabbay mein aakar doosri birth par baith gayi. chunkay mein ne aik hi birth makhsoos karai thi, is liye khamosh raha .
rail ne raftaar pakri to achanak woh larki boli' ' tumhare paas jo kuch hai foran mere hawalay kardo, warna mein abhi zanjeer khech kar logon se kahoon gi kay yeh shakhs mere sath zabardasti karna chahta hai.' ' mein ne kaghzat se sir hi nahi uthaya. uss ne phir apni baat duhrai. mein phir khamosh raha. aakhir tang aa kar uss ne mujhe jhinjoora to mein ne sir uthaya aur isharay se kaha' ' mein behra hon, mujhe kuch sunai nahi deta. jo kuch kehna hai, likh kar doo.' '
uss ne apna mudda kaghaz par likh kar mere hawalay kardiya. mein ne foran zanjeer khech di aur usay ma tehreer railway hakkaam ke hawalay kardiya. is din ke baad se mein hamesha doo barthain makhsoos karata hon.' '
سماجی رابطہ