ٹینس کے کھلاڑی پاکستانی سیلاب زدگان کی مدد کیلئے تیار

اردو ٹائمز - دنیائے ٹینس پر راج کرنے والے رافیل نڈال اور راجر فیڈر سمیت کئی کھلاڑی پاکستان میں سیلاب زدگان کی امداد کے لئے میدان میں آگئے۔ پاکستانی ٹینس سٹاراعصام الحق ان کھلاڑیوں کی عطیہ کی گئی اشیاء نیلام کر کے متاثرین کے لئے فنڈز جمع کریں گے۔ میڈیا رپورٹس کے مطابق اعصام الحق کو ٹینس سے اس حد تک لگائو ہے کہ چار ہفتے بیرون ملک رہنے کے بعد وطن واپس پہنچے چوبیس گھنٹے بھی نہیں گزرے کہ کورٹ میں پہنچ گئے اور دو گھنٹے ٹریننگ کی اعصام الحق کا کہنا ہے کہ آسٹریلین اوپن کے دوران رافیل نڈال ، راجر فیڈر ،ماریہ شرایو اور اینڈی سمیت آٹھ اہم کھلاڑیوں نے پاکستان کے سیلاب زدگان کی امداد کے لئے اپنی کیٹس، جوتے اور راکٹ عطیہ کرنے کا اعلان کیا ہے، انڈو پاک ایکسپریس میچ کے حوالے سے اعصام الحق نے بتایا کہ روہن کے ساتھ مل کر انہوں نے خط لکھ دیا ہے حکومت کی جانب سے گرین سگنل کا انتظار ہے۔ ٹینس سٹار کو ثانیہ مرزا کے ساتھ جوڑی بنانے پر کوئی احتراز نہیں ہے، اعصام الحق نے کہا کہ ثانیہ کے ساتھ کھیلنے کے ساتھ ساتھ پاکستان بلکہ ایشیاء میں بھی کھیل کو فروغ ملے گا ۔