25 فروری 2011
وقت اشاعت: 11:21
ورلڈ کپ کیلئے 95فیصد تیاری ہے: آفریدی
اردو ٹائمز - کرکٹ ٹیم کے کپتان شاہد آفریدی کا کہنا ہے کہ ورلڈ کپ کیلئے ٹیم کی 95فیصد تیاری مکمل ہے، میگا ایونٹ میں منزل مشکل ضرور ہے لیکن عوام کی دعائیں ساتھ ہوئیں تو بہتر نتائج سامنے آئیں گے، وہ نیشنل اسٹیڈیم میں ایک نجی ٹی وی سے خصوصی گفتگو کررہے تھے۔شاہد آفریدی نے کہا کہ وہ اپنی قیادت اور کارکردگی سے ناقدین کے منہ بند کردیں گے۔شاہد آفریدی نے کہاکہ ورلڈ کپ کی 95فیصد تیاری ہے،جو رہ گئی اسے مکمل کرنے کے لیے وقت ہے،فیلڈنگ کافی بہتر ہوئی ہے،آخری پاور پلے کے لیے بولنگ پر کام کرناہے،بیٹنگ پہلے سے بہت بہتر ہوئی ہے،دبائومیں رہ کر کھیلنا،اس سے نکلنااور منزل پانا ہی زندگی ہے،جو بھی میرے خلاف ہے اسے اپنی پرفارمنس سے خاموش کر سکتاہوں،فی الحال کرکٹ پر ہی توجہ مرکوز کرنا چاہتا ہوں،آفریدی کا کہنا تھاکہ جیتیں گے تو سب،ہاریں گے تو سب،کسی ایک کو مورد الزام ٹہرانا ہماری غلطی ہے،ورلڈ کپ میں منزل مشکل ہے دعائیں ساتھ رہیں تو کامیاب ہوں گے۔