کوئی زنجیر ہو ،
آہن کی ، چاندی کی ، روایات کی ،
محبت توڑ سکتی ہے !
یہ ایسی ڈھال ہے جس پر
زمانے کی کسی تلوار کا لوہا نہیں چلتا !
یہ ایسا شہر ہے جس میں
کسی امیر ، کسی سلطان کا سکہ نہیں چلتا !
اگر چشم تماشہ میں ذرا سی بھی ملاوٹ ہو
یہ آئینہ نہیں چلتا !
یہ ایسی آگ ہے جس میں
بدن شعلوں میں جلتے ہیں ، تو روحیں مسکراتی ہیں
یہ وہ سیلاب ہے جس کو
دلوں کی بستیاں آواز دے کر خود بلاتی ہیں
یہ جب چاہے کسی بھی خواب کو تعبیر مل جائے
جو منظر بجھ چکے ہیں ، ان کو بھی تصویر مل جائے
دعا ، جو بے ٹھکانہ تھی ، اسے تاثیر مل جائے
کسی رستے میں راستہ پوچھتی تقدیر مل جائے
محبت روک سکتی ہے سمے کے تیز دھارے کو !
کسی جلتے شرارے کو ، فنا کے استعارے کو !
محبت روک سکتی ہے کسی گرتے ستارے کو !
یہ چکنا چور آئینے کے ریزے جوڑ سکتی ہے
جدھر چاھے یہ لگام موسم کی موڑ سکتی ہے !
کوئی زنجیر ہو ، اس کو محبت توڑ سکتی ہے . . . !
koii zanjeer ho,
aahan kii, chaandi ki, rivaayat kii,
muhabbat torr sakti hai!
yeh aisii dhaal hai jis par
zamanay ki kisi talwaar kaa loha nahi chalta!
yeh aisaa shehar hai jis men
kisi ameer, kisi sultan ka sika nahi chalta!
agar chashm-e-tamasha me zara si bhi milavat ho
yeh aaina nahi chaltaa!
yeh aise aag hai jis me
badan sholon me jaltey hain, to roohain muskurati hain
yeh voh sailaab hai jis ko
dilon kii bastiyan awaz dey kar khud bulati hain
yeh jab chaahey kisi bhi khowab ko tabir mil jay
jo manzar bhuj chukey hain, un ko bhii tasveer mil jaaye
dua, jo bethikana thi, usay taseer mil jay
kisii rastey men rastaa pochti taqdeer mil jaaye
muhabbat rok sakti hai samay k tez dhaaray ko!
kisii jaltey shararay ko, fanaa k istaaray ko!
muhabbat rok sakti hai kisi girtey sitarey ko!
ye chakna choor aainey k raizay jorr sakti hai
jidhar chahay yeh lagam mousam ki morr sakti hai!
koii zanjeer ho, us ko muhabbat torr sakti hai...!
سماجی رابطہ