مشی مل پوف

مشی مل پوف
اشیاء:
گائے کے پسندے چھ عدد نمک حسب ضرورت
ٹماٹر ساس ایک پیالی دار چینی چوتھائی چائے کا چمچہ
لیموں کا عرق دو کھانے کے چمچ مارجرین ایک کھانے کا چمچ
کالی مرچ آدھا چائے کا چمچ پکے ہوئے چاول ایک پیالی
سویا(باریک کٹا ہوا) ایک کھانے کا چمچ کوکنگ آئل دو کھانے کے چمچے
بند گوبھی حسب ضرورت پیاز ایک ڈلی
پارسلے باریک کٹی ہوئی تھوڑی سی
ترکیب:
سب سے پہلے ایک فرائنگ پین میں پسندوں کو مارجرین کے ساتھ اچھی طرح تل لیں۔ جب پانی خشک ہوجائے تو نکال کر باریک ٹکڑے کرلیں۔ اب دیگچی میں گرم پانی کریں جب کھولنے لگے تو نمک ڈال کر بند ثابت گوبھی ڈال کر ہلکا سا ابال لیں۔ پھر پانی نکال کر پتے الگ کرلیں۔ اسی دیگچی میں کوکنگ آئل ڈال کر پیاز اور باریک کیا ہوا گوشت ڈال کر بھون لیں۔ جب گولڈن براﺅں ہوجائے تو دار چینی پاﺅڈر، کالی مرچ اور نمک ڈال دیں۔ دس منٹ بعد آدھی ٹماٹڑ سا س اور آدھا پانی ڈال دیں، ہلکی آنچ پر پکنے دیں پکے ہوئے چاول دوبارہ گرم پانی میں نمک کے ساتھ جوش دے کر پانی نکال دیں پھر گوشت، چاول ، سویا اور پارسلے ملا کر ایک ایک پتے کے درمیان رکھ کر رول کی صورت میں بنالیں۔ ایک پھیلی ہوئی دیگچی میں سب سے نیچے پتے رکھیں پھر بھرے ہوئے پتے اور کچھ خالی پتے رکھ کر آدھی ٹماٹر ساس، پانی اور لیموں کا عرق چھڑک دیں۔ پینتالیس(45) منٹ کے لئے ہلکی آنچ میں دم پر رکھیں۔جب پیش کرنا ہو تو ایک پیالی دہی پھینٹ کر اوپر ڈال دیں۔ یا الگ رکھیں۔