وہ بلائیں تو کیا تماشہ ہو
ہم نا جائیں تو کیا تماشہ ہو
یہ کناروں سے کھیلنے والے
ڈوب جائیں تو کیا تماشہ ہو
بندہ پرور جو ہم پہ گزری ہے
ہم بتائیں تو کیا تماشہ ہو
آج ہم بھی تیری وفاؤں پر
مسکرائیں تو کیا تماشہ ہو
تیری صورت جو اتفاق سے ہم
بھول جائیں تو کیا تماشہ ہو
وقت کی چند ساعتیں ساغر
لوٹ آئیں تو کیا تماشہ ہو .
wo bulayen to kya tamasha ho
ham na jayen to kya tamasha ho
ye kinaron se khelne wale
dub jayen to kya tamasha ho
bandaparwar jo ham pe guzri hai
ham batayen to kya tamasha ho
aj ham bhi teri wafaon par
muskurayen to kya tamasha ho
teri surat jo ittefaq se ham
bhool jayen to kya tamasha ho
waqt ki chand saatain saghar
laut ayen to kya tamasha ho.
Posted on Jun 08, 2011
سماجی رابطہ