آئی پیڈ منی کا نیا چھوٹا ورژن متعارف

ایپل نے کیلیفورنیا میں منعقدہ تقریب میں اپنے آئی پیڈ ٹیبلٹ کا سات اعشاریہ نو انچ سکرین والا چھوٹا ماڈل متعارف کروا دیا ہے۔ ایپل کے سینئر وائس پریذیڈنٹ مارکیٹنگ فل چلر نے آئی پیڈ منی کی تعارفی تقریب میں بتایا کہ آئی پیڈ منی، ٹیبلٹ کمپیوٹر کا چھوٹا ورژن ہے۔ اس کی سکرین سات انچ کی ہے جس کی وجہ سے اسے آسانی سے پاکٹ میں رکھا جا سکتا ہے۔ ایپل کے آئی پیڈ کا سائز سات اعشاریہ نو انچ اور وزن نصف پاؤنڈ سے بھی کم ہے، سیاہ اور سفید رنگ میں بنایا گیا یہ منی پیڈ ایک پنسل سے بھی پتلا ہے۔ فل چلر کے مطابق آئی پیڈ منی کا مقصد مارکیٹ میں چھوٹے ٹیبلٹ فون بنانیوالی کمپنیوں کا مقابلہ کرنا ہے۔ اس کی قیمت 329 ڈالر رکھی گئی ہے۔