اٹلی میں بلّی ایک کروڑ تیس لاکھ ڈالر کی مالک

کروڑوں ڈالر کی جائیداد اور اثاثوں کے مالک انسانوں کے بارے میں تو آ پ نے سنا ہوگا لیکن اٹلی میں ایک بلّی ایک کروڑ تیس لاکھ ڈالر کی مالک ہے۔ اٹلی میں 94 سالہ آسنتا ماریا نامی خاتون نے مرنے سے پہلے اپنی تمام تر جائیداد اپنی پالتو بلی ٹماسو کے نام کر دی جس کے بعد سیاہ رنگ کی یہ بلی دنیا کی امیر ترین بلّی بن گئی ہے۔ اطالوی قوانین کے تحت کسی جانور کو براہ راست جائیداد کا مالک نہیں بنایا جا سکتا لہذا اس کی مالکہ اسے مرنے سے پہلے سٹیفانی نامی خاتون کے حوالے کر گئیں تھیں جو اب دنیا کی اس امیر تین بلّی کی مالکہ اور دیکھ بھال کی ذمہ دار ہیں۔