روس میں دنیا کا سب سے بڑا قرآن پاک تیار

روس میں دنیا کے سب سے بڑے قرآن پاک کے نسخے کو عوام کے سامنے پیش کر دیا گیا۔ جواہرات اور سونے سے مزین اس نسخے کا وزن آٹھ سو کلو گرام ہے۔ قرآن پاک کی جلد پر قیمتی جواہرات جڑے ہوئے ہیں۔ ڈیڑھ میٹر کے چھ سو بتیس اوراق پر انتہائی خوبصورت خطاطی کی گئی ہے۔ روسی ریاست تاتارستان نے اس کو خصوصی طور پر اٹلی سے تیار کرایا ہے۔ قرآن پاک کے اس عظیم نسخہ کی تیاری میں ایک سال کا عرصہ لگا ہے۔ دنیا کے سب سے بڑے اس قرآن پاک کو قازن کی ایک مسجد میں رکھا جائے گا۔