وائرس حملہ ڈھائی لاکھ انٹرنیٹ صارفین متاثر ہونگے

کمپیوٹر صارفین ہوجائیں ہوشیار خبردار، آئندہ ہفتے کے آغاز پر ڈھائی لاکھ سے زائد صارفین انٹرنیٹ کی سہولت سے محروم ہوسکتے ہیں۔ ہیکنگ اسکینڈل کے سب سے خطرناک سافٹ وئیر وائرس کو انٹرنیٹ کی دنیا کے لیے قیامت کہا جا رہا ہے۔ اس سافٹ وئیر کو امریکی حکام نے گزشتہ برس نومبر میں بند کر دیا تھا۔ سیکورٹی فرم کے مطابق رواں ہفتے پونے تین لاکھ کے قریب کمپیوٹر، ایلورین اور بریتھرین وائرس سے متاثر ہوئے تھے جن میں 45 ہزار سے زائد امریکی کمپیوٹر ہیں۔ ایف بی آئی کے مطابق یہ وائرس کرمنلز نے انٹریٹ ٹریفک کو متاثر کرنے کے لیے بنائے ہیں۔ کرمنلز ڈی این ایس سرور کے تحت انہیں کنٹرول کرتے ہیں۔ ڈین این ایس کمپیوٹر سوئچ بورڈز ہیں۔