tumhin kis nay kaha pagli
mujhay tum yaad aati ho
bohat khush feham ho tum bhi
tumhari khush gumani hai
meeri ankhon ki surkhi main
tumhari yaad ka matlab
mairay shab bhar kay jagnay main
tumharay khwaab ka matlab???
yah ankhien to hameesha say hi
meri surkh rehti hain
tumhin malom hi hoga
is shahar ki faza kitni aaloda hai
tu yah sozish,,ussi fizza kay bayes hai
tumhin kis nay kaha pagli
ke main shab bhar nhin sota
mujhay is nokri kay sab jhameelon say
kabhi fursat milay to tab hai na
meeri baaton main larzish hai???
main aksar kho sa jata hon??
tumhin kis nay kaha pagli
mohabbat kay ilawa aur bhi to dard hotay hain
fikar-e-muaash,sukh ki tlaash,
aisay aur bhi gham hain
aur tum
un sab ghamon kay baad aati ho
tumhin kis nay kaha pagali
mujhay tum yaad aati ho
yah dunya walay pagal hain
zara si baat ko yah to afsaana samajhtay hain
mujhay ab bhi yah pagal tera dewana samajhtay hain
tumhin kis nay kaha pagli
magar shyed
magar shyed main jhoota hon
main reeza reeza toota hon...!