پاس ہمارے آ جانا
جب پنچھی سارے اُڑ جائیں
ہر سمت اندھیرا چھا جائے
جب گزری باتیں یاد آئیں
اور بیتے لمحے تڑپائے
مت تنہا تنہا گھبرانا
تم پاس ہمارے آ جانا
جب کوئی دن میں شام کرے
یا لب کی ہنسی بدنام کرے
جب وحشت دل کا نام کرے
یا آنکھ میں نیند حرام کرے
مت تنہا تنہا گھبرانا
تم پاس ہمارے آ جانا
دل پریت ہماری دہرائے
یا ریت پرانی یاد آئے
جب ملنے کو بھی دل چاہے
اور پیار بھرا نا دل پائے
مت تنہا تنہا گھبرانا
تم پاس ہمارے آ جانا
Posted on Feb 16, 2011
سماجی رابطہ