بھارتی وزیراعظم کی حالات زندگی تعلیمی نصاب میں شامل کرنے کی مخالفت

جیو نیوز - نئی دہلی…بھارتی وزیراعظم نریندرمودی نے اپنے حالات زندگی تعلیمی نصاب میں شامل کرنے کی مخالفت کی ہے۔ بھارتی میڈیاکے مطابق ریاست گجرات اور مدھیا پردیش میں بی جے پی کی حکومتوں نے اسکولوں کے تعلیمی نصاب میں وزیراعظم نریندر مودی کے حالاتِ زندگی شامل کرنے کا فیصلہ کیا تھا،تاہم نریندرمودی اس فیصلے کے خلاف ہیں، ان کا کہناہے کہ زندہ لوگوں کے حالاتِ زندگی تعلیمی نصاب میں شامل نہیں ہونے چاہئیں۔ نریندر مودی کا کہنا ہے کہ بھارت کی تاریخ عظیم لوگوں سے مالا مال ہے، نوجوان ذہنوں کو ان عظیم شخصیات کے متعلق آگاہی فراہم کرنی چاہیے۔