بولیویا میں دنیا کا سب سے بلند ترین کیبل کار سسٹم متعارف

جیو نیوز - ایل آلٹو…بولیویا میں دنیا کا سب سے بلند ترین کیبل کار سسٹم متعارف کروادیا گیا۔ ایک ہزارمزدوروں کی محنت نے ایک سال میں ٹیکنالوجی اورجدید سہولت فراہم کرنیکی مثال قائم کر دی۔بولیویا کے صدر Morales EVOنے منصوبے کا افتتاح کیا۔کیبل کار سسٹم سطح سمندر سے تیرہ ہزار ایک سو پندرہ فٹ بلند ہے۔23 کروڑ 5 لاکھ ڈالر کی لاگت سے تیار کیا جانے والا یہ سسٹم 11 اسٹیشنز اور 443 کیبنز پر مشتمل ہے جس کے لیے تین لائنز لگائی گئی ہیں۔ہر کیبن صرف 12 سیکنڈ کے وقفے سے روانہ ہوگا جس میں 10 افراد سوار ہو سکتے ہیں۔کیبل کار کا کرایہ 3 بولیویانوس رکھا گیا ہے جبکہ طلبہ ،بزرگ اور معذور افراد نصف کرایہ ادا کریں گے۔ کیبل کار کے ذریعے دارالحکومت Sucre سے ملحقہ شہر Alto Elتک 10 منٹ میں پہنچا جا سکے گا۔دونوں شہروں کے درمیان روزانہ چارلاکھ سے زیادہ افراد سفر کرتے ہیں جو اس جدید سہولت سے مستفید ہو سکیں گے۔