کراچی اسٹاک مارکیٹ میں کاروباری ہفتےکے پہلےروزٹریڈنگ کا آغاز

اے آر وائی - کراچی : کراچی اسٹاک مارکیٹ میں نئے کاروباری ہفتے کے پہلے روز ٹریڈنگ کا آغاز ہوگیا ہے ۔ ٹریڈنگ کے آغاز پر کے ایس ای ہنڈرڈ انڈیکس میں صرف چھ پوائنٹس کا اضافہ دیکھا جا رہا ہے۔



بینچ مارک ہنڈریڈ انڈیکس اس وقت بارہ ہزار چار سو سترکے قریب ٹریڈ کررہا ہے۔ کے ایس ای تھرٹی انڈیکس سات پوائنٹس اضافے سے گیارہ ہزار سات سو اٹہتراور کے ایم آئی تھرٹی انڈیکس انسٹھ پوائنٹس اضافے سے اکیس ہزار دو سو باون پوائنٹس پر ٹریڈ کر رہا ہے۔ کاروباری حجم بھی محدود ہے اور مجموعی طور پر اب تک ایک لاکھ ستاسی ہزار شیئرز ٹریڈ ہوئے ہیں۔



بیس کمپنیز کے حصص کی قیمتوں میں اضافہ ہوا ہے اور انتالیس کمپنیز کے شیئرز کی قیمتیں کم ہوئی ہیں۔ مجموعی طور پر انسٹھ ایسی کمپنیز ہیں جن کے حصص کی خرید و فروخت میں دلچسپی لی جارہی ہے۔