بدین: نایاب نسل کے گدھوں کی فروخت کےلیے منڈی

بدین میں نایاب نسل کے گدھوں کی فروخت کےلیے منڈی لگائی گئی۔ منڈی میں لائے گئے گدھوں کی قیمت لاکھوں روپے مقرر ہیں۔ گدھوں کو فروخت کرنے کےلیے ان کا رقص بھی کرایاگیا۔



بدین کے علاقے ٹنڈو غلام علی میں اعلی نسل کے گدھے لائے گئے ہیں۔ گدھے کے مالکوں کا کہنا ہے کہ ان کی پرورش پر بھاری اخراجات برداشت کرنا پڑتے ہیں۔ اور منڈی لگانے والے ٹھیکیداروں کو بھاری ٹیکس بھی دینا پڑتا ہے۔



گدھے فروخت کرنے والے افراد منہ مانگی قیمتیں وصول کرنے کیلئے گدھوں کا روپ سنگار کرکے ان کا ڈانس بھی کراتے ہیں۔ یہ گدھے زیادہ وزن اور مشکل ترین راستوں پر بھی سفر کرسکتے ہیں ۔