نامور اداکار طارق شاہ لاہور میں سپرد خاک

اردو، پنجابی اور پشتو فلموں کے نامور اداکار طارق شاہ کو لاہور کے مقامی قبرستان میں سپرد خاک کردیا گیا۔ وہ جگر کے عارضے میں مبتلا۔



ساٹھ سالہ طارق شاہ نے فلمی کیریئر کے دوران آٹھ سو زائد فلموں میں کام کیا۔ اور مختلف کرداروں میں حقیقت کے رنگ بھرے ۔ ان کے بارے میں کہا جاتا تھا کہ وہ کردار نگاری میں اپنا ثانی نہیں رکھتے تھے۔



ان کے بیٹے ببرک شاہ بھی اداکاری سے وابستہ ہیں۔ مرض کے باعث گزشتہ کئی مہینوں سے وہ گھر تک محدود ہوکر رہ گئے تھے۔ بعد از نماز جمعہ ان کا جنازہ ان کے گھر سے اٹھایا گیا۔اس موقع پر اداکار ارباز خان، افضل خان عرف جان ریمبو، مصطفیٰ قریشی، غلام محی الدین، عجب گل، سنگیتا اوار اداکارہ امروزیہ موجود تھے۔