دلیر نوجوان 24منزلہ عمارت کی چوٹی پر ہاتھوں کے بل کھڑاہوگیا

لندن......ایڈونچر کے متلاشی افراد اپنی پوری زندگی لوگوں کو اپنی صلاحتیوں کے ذریعے متاثر کرنے کیلئے اپنی جان جوکھوں میں ڈالنے سے بھی نہیں گھبراتے ۔برطانیہ سے تعلق رکھنے والے کینر فرائیڈ مین نامی اس نوجوان کا شمار بھی ایسے ہی لوگوں میں ہوتا ہے جس نے سنگاپور کی 24منزلہ عمارت کی چوٹی پر ہاتھوں کے بل الٹا کھڑا ہونے کا پر خطر مظاہرہ پیش کیا ۔نوجوان نے اپنے ٹخنوں پر کیمرہ نصب کر کے بغیر کسی ڈر و خوف کے یہ کرتب پیش کیا جس نے انٹرنیٹ پر دْھوم مچا رکھی ہے۔واضح رہے کہ کینر گذشتہ پانچ سال میں مختلف موقعوں پر ایسے ہی بے شمار کرتب سر انجام دے چکا ہے ۔