بیلجیم میں فارم ہاؤس سے 3زیبرے فرار

برسلز........بیلجیئم کی سڑکوں پر دوڑتے بھاگتے 3زیبروں نے ٹریفک پولیس اور سیکیورٹی اہلکاروں کی دوڑیں لگوا دیں۔ بیلجیم کے دارالحکومت برسلز کی سڑکوں پر مزے سے دوڑتے بھاگتے زیبروں کو دیکھ کر ایک نوجوان نے ان کی ویڈیو بنا لی۔ فارم ہاؤس سے فرار ہوئے تینوں زیبروں کو پکڑنے دو پولیس اہلکار بھی دوڑے، ان کا ساتھ دینے ٹریفک پولیس اور سیکیورٹی ایجنسی کے اہلکار بھی میدان میں آگئے لیکن زیبروں نے بھی ایک گھنٹے تک اہلکاروں کی خوب دوڑیں لگوائیں پھر جا کر پولیس کے ہاتھ آئے۔