Haakim Dubai ka Dubai metro mein safar, hamsafar apnay darmain achanak pa kar shashdar

Dubai mein baghair driver kay chalnay wali " metro train " kay musafiron ki herat ki is waqt koi inteha nah rahi k jab unhon ne mutahidda arab amarat kay deputy Wazeer e Azam aur kabeena kay sarbarah haakim Dubai al shaikh Mohammad ban rashid almktom ko baghair kise protocol aur hifazati intizamaa kay apnay sath aik duby mein safar kartay dekha.

haakim Dubai mashriq wasti kay is ahem karobari aur sayahati markaz mein jari in dinon " gitex " numaish gaah kay stap say " metro " mein sawaar huay. is safar mein in kay hamrah koi Muawin ya zaati Muhafiz nahi tha. unhon ne apni agli manzil taq ka safar kharay ho kar kya. musafiron ne in kay hamrah musafah kya aur tasaveer utarwain, jinhein mukhtalif logon ne samaji rabton ki Websites Facebook aur Blackberry kay zariye barray pemanay par mushtahir kya.

haakim Dubai ka aam shehri kay tour par metro mein safar darasal al shaikh Mohammad ki in koshisho ka hissa hai k jo woh Dubai mein metro kay zariye safar ki tarweej kay liye waqtan foqtan kartay rehtay hain. metro Dubai mein aik taiz raftaar, sasta aur jadeed mawaslati zareya hai, jis say Dubai mein muqeem duniya bhar say aaye mulazmeen, sayah aur shehri yaksaa tour par istifada kartay hain.