خیبر پختونخوا میں انسداد خسرہ مہم کا چوتھا روز

پشاور…خیبر پختونخوا میں 12روزہ انسداد خسرہ مہم آج چوتھے روز بھی جاری ہے۔مہم کے دوران اب تک صوبہ میں 6 ماہ سے 10 سال تک کے25 لاکھ 24 ہزار سے زیادہ بچوں کو ٹیکے لگائے گئے ہیں۔محکمہ صحت حکام کے مطابق 19 مئی سے خیبر پختونخوا میں شروع ہونے والی انسداد خسرہ مہم میں آج چوتھے روز بھی بچوں کو خسرہ سے بچاوٴ کے ٹیکے لگائے جارہے ہیں۔گزشتہ روز تک25 لاکھ 24ہزار سے زیادہ بچوں کو ٹیکے لگائے جا چکے ہیں۔ محکمہ صحت حکام کے مطابق گزشتہ تین روز میں خسرہ مہم کے دوران25 فیصد بچوں کو خسرہ سے بچاؤ کے ٹیکے لگائے جا چکے ہیں۔انسداد خسرہ مہم 31 مئی تک جاری رہے گی۔جس میں6 ماہ سے 10 سال تک کے 96 لاکھ سے زیادہ بچوں کوخسرہ سے بچاؤ کے ٹیکے لگانے کا ہدف مقرر کیا گیا ہے۔