سندھ پریوینشن اینڈ کنٹرول آف ڈینگی ریگولیشن غیر فعال

کراچی…صوبہ سندھ میں رواں سال ڈینگی نے تین اور نگلیریا نے ایک شخص کی جان لے لی۔مرض پر قابو پانے اور اعدادو شمار جمع کرنے والا سندھ پریوینشن اینڈ کنٹرول آف ڈینگی ریگولیشن گزشتہ پانچ ماہ سے غیر فعال ہے،جس سے امراض کی شدت بڑھنے کا خدشہ پیدا ہو گیا ہے۔کراچی سمیت صوبہ سندھ میں رواں سال اب تک ڈینگی نے تین اور نگلیریا نے ایک شخص کی جان لے لی ہے۔سیکریٹری ہیلتھ اقبال درانی کی جانب سے پانچ ماہ قبل ڈینگی سیل کو تحلیل کرکے پریوینشن اینڈ کنٹرول آف ڈینگی ریگولیشن 2013 شروع کرنے کا اعلان کیا گیا جس کا نوٹیفکیشن چھ دسمبر 2013 کو جاری کیا گیا۔ چار ماہ گرز جانے کے باوجود بھی پروگرام عملی طور پر شروع نہ ہوسکا ہے۔پر وگرام کے سربراہ ڈاکٹر شکیل ملک کے مطابق عملہ اور کمپیوٹر موجود نہیں ہیں جس کے باعث صوبے میں ڈینگی ،نگلیریا اور دیگر امراض کے اعداوشمار جمع نہیں کئے جاسکتے۔رواں سال صوبے میں اب تک ڈینگی سے تین اور نیگلیریا سے ایک شخص جاں بحق ہو چکا ہے۔ اس کے علاوہ 200 سے زائد افراد ڈینگی میں مبتلا ہیں۔