سولہویں صدی میں بھی پلاسٹک سرجری ہوتی تھی

عام طور پر یہ رجحان پایا جاتا ہے کہ پلاسٹک سرجری جدید دور کی ایجاد ہے اور پچھلے 10سے15سالوں میں بیحد عام ہوگئی ہے تاہم یہ غلط ہے کیونکہ16ویں صدی میں بھی پلاسٹک سرجری کروائے جانے کے شواہدپائے جاتے ہیں۔ حال ہی میں ایک ایسی کتاب منظرِ عام پر آئی ہے جس میں پرانے وقتوں میں جنگوں میں زخمی ہوجانے والا افراد کی سرجری کا تذکرہ کیا گیا ہے اور ایک ایسے ہی زخمی کی ناک کی سرجری کی تصاویر موجود ہے۔1597میں شائع ہونے والی ''دی سرجری آف ڈیفیکٹس بائی امپلانٹیشن''نامی اس کتاب میں یونیورسٹی آف بلوگنا کے پروفیسر اور سرجن نے گزرے وقتوں میں سرجری کرنے کے طریقے اور آلات کے بارے میں مکمل تفصیلات بیان کی ہیں۔قدیم دور کے سرجن کی پلاسٹک سرجری سے متعلق یہ مفصل کتاب جدید دور کے ایک سرجن نے گیارہ ہزار پا ونڈ میں خریدی ہے۔