29 مئی 2011
وقت اشاعت: 5:59
ڈیرہ غازی خان:زائرین سے بھر ی بس الٹ گئی، تین افراد ہلاک،27 زخمی
جنگ نیوز -
ڈیرہ غازی خان ... ڈیرہ غازی خان کے علاقے سرور والی کے قریب زائرین سے بھری تیزرفتار بس الٹنے سے تین افراد ہلاک اور27 زخمی ہوگئے۔ریسکیوذرائع کے مطابق زائرین سے بھری بس ڈی جی خان کے علاقے سروروالی کے قریب تیزرفتاری کے باعث بے قابو ہوکر الٹ گئی جس کے نتیجے میں 30 افراد زخمی ہوگئے جن میں سے تین افراد زخموں کی تاب نہ لاتے ہوئے چل بسے جبکہ 27 زخمیوں کو ڈسٹرکٹ ہیڈکوارٹر منتقل کردیاگیا جہاں انہیں طبی امداد دی جارہی ہے جن میں سے چار کی حالت تشویش ناک بتائی جارہی ،ے بس پر سوار افراد کا تعلق وہاڑی سے ہے اور وہ سخی سرور کے سالانہ سہ ماہی عرس میں شرکت کرنے آرہے تھے ۔
