بلیک سوان میں نتالی پورٹ مین نے 5فیصد بیلے ڈانس کیا ،سارہ لین کادعویٰ

جنگ نیوز -
لاس اینجلس…ہالی ووڈ کی کامیاب ترین فلم "بلیک سوان"کے لیے آسکر ،بافٹا،پیپلز چوائس،ایکٹرز گلڈ اور گلولڈن گلوب سمیت درجنوں بہترین اداکارہ کے ایوارڈز جیتنے والی اداکارہ نتالی پورٹ مین نے فلم میں در اصل اُتنا کام کیا ہی نہیں جتنا نظر آرہا ہے۔فلم میں نتالی پورٹ مین کی جگہ باڈی ڈبل کرنے والی امریکن بیلے تھیٹر کی بیلے ڈانسر سارہ لین نے دعویٰ کیا ہے کہ بلیک سوان میں نتالی پورٹ مین نے صرف 5فیصد بیلے ڈانس کیا ہے جبکہ باقی95فیصد بیلے ڈانس پردے پر دراصل نتالی نظر آتی ان کی باڈی ڈبل 27سالہ سارہ لین نے کیا ہے۔نتالی کے منگیترBenjamin Millepiedکے بیان کہ نتالی نے فلم میں 85فیصد ڈانس حرکتیں حاملہ ہونے کے باوجود خود ہی کی ہیں پر ردِ عمل ظاہر کرتے ہوئے سارہ کا کہنا تھا کہ انہوں نے نتالی کی جگہ تمام مشکل ڈانس رموز مکمل کیے ہیں۔دوسری جانب بلیک سوان کے فلمسازوں کا کہنا ہے کہ نتالی نے فلم کا بیشتر حصہ خودہی عکسبند کروایا ہے اور اس بارے میں سارہ لین کا دعویٰ سراسر جھوٹ پر مبنی ہے تاہم یہ سچ ہے کہ سارہ نے نتالی کی جگہ چند مشکل ڈانس اسٹیپ کیے ہیں جس پر ہم اس کے بیحد شکر گزار ہیں۔