ورلڈ کپ فائنل کی امپائرنگ علیم ڈار اور سائمن ٹوفل کرینگے

جنگ نیوز -
ممبئی…انٹرنیشنل کرکٹ کونسل نے ورلڈ کپ فائنل کے لئے آفیشلز کا اعلان کردیا ہے، دنیا کے دو بہترین امپائرز پاکستان کے علیم ڈار اور آسٹریلیا کے سائمن ٹوفل اس میچ میں آن فیلڈ امپائرز ہوں گے۔ورلڈ کپ کا فائنل دو اپریل کو ممبئی میں بھارت اور سری لنکا کی ٹیموں کے درمیان کھیلا جائے گا،،انٹرنیشنل کرکٹ کونسل نے میگا ایونٹ کے فائنل کیلئے میچ آفیشلز کا اعلان کردیا ہے ، آسٹریلیا کے سائمن ٹفل اور تیسری بار امپائر آف دی ائیر کا ایوارڈ جیتنے والے پاکستان علیم ڈارگراونڈ میں امپائرنگ کے فرائض سر انجام دیں گے جبکہ تھرڈ امپئار این گولڈ اور فورتھ امپائراسٹیو ڈیوس ہوں گے جبکہ میچ ریفری کی ذمہ داریاں جیف کرونبھائیں گے۔