معمر قذافی اور ان کے بیٹے سیف الاسلام کے ریڈ وارنٹ جاری

جنگ نیوز -


پیرس...انٹرپول نے لیبیا کے سابق رہنما معمر قذافی، ان کے بیٹے سیف الاسلام اور انٹیلی جنس سربراہ عبداللہ السینوسی کے ریڈ وارنٹ جاری کردئیے۔ یہ وارنٹ انٹرپول نے جنگی جرائم کی عالمی عدالت کے مطالبے پر جاری کیے ہیں۔ انٹر پول کے سیکرٹری جنرل رونالڈ نوبل کا کہنا ہے کہ معمر قذافی اپنے ملک کے عوام اور جنگی جرائم کی عالمی عدالت کو مطلوب ہے،اسی بنا پر ان کے ریڈ وارنٹ جاری کیے گئے ہیں۔ اس سے پہلے انٹر پول نے معمر قذافی، سیف الاسلام اور عبداللہ السینوسی کے معمول کے گرفتاری کے وارنٹ جاری کیے تھے۔