پاک فوج میں بلوچستان کے5ہزار جوانوں کی پاسنگ آوٴٹ پریڈ

جنگ نیوز -


کوئٹہ… پاک فوج میں بلوچستان سے بھرتی کئے گئے پانچ ہزار جوانوں کی پاسنگ آوٹ پریڈ آج کوئٹہ میں ہورہی ہے،وزیراعظم سید یوسف رضا گیلانی تقریب کے مہمان خصوصی ہوں گے۔ چیف آف آرمی اسٹاف جنرل اشفاق پرویز کیانی کی خصوصی ہدایت پر پاک فوج میں بلوچستان بھر سے پانچ ہزار نوجوانوں کو بھرتی کیا گیا تھا۔ ان جوانوں کی تربیت کے بعد آج پاسنگ آوٴٹ کوئٹہ کے ای ایم ای پریڈ گراونڈ میں ہورہی ہے۔ پریڈ میں وزیراعظم خصوصی طور پر شرکت کے لئے کوئٹہ پہنچے ہیں۔ تقریب میں چیف آف آرمی اسٹاف جنرل کیانی بھی شریک ہوں گے۔ اس سے قبل بھی بلوچستان سے تقریبا پانچ ہزار نوجوانوں کو بھرتی کیا جاچکا ہے۔ اس مقصد کے لئے بلوچستان سے تعلق رکھنے والے نوجوانوں کو عمر اور تعلیمی قابلیت میں خصوصی رعایت دی گئی ہے۔