پشاور، اے این پی کی مشاورتی کمیٹی کا اجلاس آج ہوگا

جنگ نیوز -
پشاور… عوامی نیشنل پارٹی کی مشاورتی کمیٹی کا اجلاس مرکزی صدر اسفندیار ولی خان کی زیر صدارت آج پشاور میں ہورہا ہے۔ اجلا س میں کراچی کی صورت اور آل پارٹیز کانفرنس کے بعد کی صورت حال کا جائزہ لیا جائے گا۔ اجلاس میں وزیر اعلی امیر حید ر ہوتی اور اے این پی سندھ کے صدر شاہی سید کے علاوہ افراسیاب خٹک ، حاجی عدیل ، زاہد خان ، بشیر بلور ، غلام بلور اور میاں افتحار حسین شرکت کریں گے۔ صوبائی سیکریٹری اطلاعات ارباب طاہر کے مطابق اجلاس میں ملکی اور بین الاقوامی صورت حال کا جائزہ بھی لیا جائے گا۔ افغانستان اور امریکہ کے ساتھ پاکستان کے تعلقات اور حالیہ بیانات سے پیدا ہونے والی صورت حال بھی زیر غور آئے گی۔ کراچی کی صور ت حال اور سپریم کورٹ کے فیصلے کے بعد کی صورت حال پر شاہی سید اجلاس کو بریفنگ دیں گے جبکہ وزیر اعلی امیر حیدر ہوتی صوبے میں دہشت گردی کے خلاف جنگ اور حکومتی اقدامات سے اجلاس کے شرکاء کو آگاہ کریں گے۔