پیٹرسن اچھے بلے باز ہیں، قائدانہ صلاحیتوں کے مالک نہیں، گریم سوان

جنگ نیوز -
نئی دہلی…جنگ نیوز…انگلش کرکٹ ٹیم کے مایہ نازا سپنر گریم سوان نے کہا ہے کہ کیون پیٹرسن دنیا کے بہترین بلے باز ہیں تاہم ان میں قائدانہ صلاحیتیں موجود نہیں، اینڈریو سٹراس نے مشکل وقت میں جس طرح سے ٹیم کو متحد کیا اس کی مثال نہیں ملتی۔ گریم سوان نے اپنی نئی کتاب ” دی بریکس آر آف“ میں دعویٰ کیا ہے کہ پیٹرسن میں ٹیم کی قیادت کی صلاحیت موجود نہیں اور وہ کبھی بھی اینڈریو سٹراس کی طرح قیادت نہیں کر سکتے، انگلش ٹیم کی حالیہ کامیابیوں کے پیچھے بھی اینڈریو سٹراس کی شاندار قیادت کا نتیجہ ہے۔ انہوں نے کہا کہ اس بات میں کوئی شک نہیں کہ پیٹرسن اچھے کھلاڑی ہونے کے ساتھ ساتھ اسٹار بلے باز بھی ہیں لیکن ٹیم کی قیادت ان کے بس کی بات نہیں ۔ انہوں نے کہا کہ وہ کبھی ٹیم کی قیادت کے پیچھے نہیں بھاگے بلکہ ملک کی نمائندگی اولین ترجیح ہے لیکن ویسٹ انڈیز کے خلاف دو ٹی ٹوئنٹی میچوں کی سیریز میں ٹیم کی قیادت سے وہ بہت لطف اندوز ہوئے ہیں۔ سوان نے کہا کہ اینڈریو اسٹراس، ایلسٹرکک اورا سٹورٹ براڈ اچھے کپتان ہیں۔