ملتان:سی این جی اسٹیشنزکی بندش سے ٹرانسپورٹ کرایوں میں اضافہ

جنگ نیوز -


ملتان …ملتان ریجن میں آج دوسرے روز بھی گیس لوڈ مینجمنٹ کے تحت سی این جی اسٹیشنز بند ہیں جس کے باعث ٹرانسپورٹ مالکان نے کرایوں میں اضافہ کر دیا ہے ۔ملتان ، ڈیرہ غازی خان ، مظفر گڑھ ، لیہ ، راجن پور ، خانیوال ، وہاڑی اور چیچہ وطنی میں سی این جی اسٹیشنز کی ہفتہ وار بندش کا آج دوسرا روز ہے۔ سی این جی اسٹیشنز کو کل شام 6 بجے کے بعد صارفین کے لئے کھولا جائے گا۔ سی این جی کی بندش سے ٹرانسپورٹ مالکان نے کرایوں میں اضافہ کر دیا ہے جس سے دوسرے شہروں میں آنے جانے والے مسافروں کو دوگنا کرایہ ادا کرنا پڑ رہا ہے۔