برطانیہ کا سستا ترین ہوٹل آئندہ ہفتے کھول دیا جائے گا

جنگ نیوز -
لندن . . . سینٹرل مانیٹرنگ . . . برطانیہ میں دنیا کا سستا ترین ہوٹل تیار کیا گیا ہے جسے آئندہ ہفتے کھول دیا جائے گا۔ویسٹ منسٹر میں قائم اس ’ٹیون ہوٹل‘ میں ایک رات کا کرایہ صرف9پاؤنڈ ہے تاہم بستر، غسل اور ایئر کنڈیشنڈ کے سوا دیگر اشیاء کے لیے الگ کرایہ اداکرنا ہوگا۔ اگر آپ غسل کرنا چاہتے ہیں اور تولیہ کی ضرورت ہو تو اس کے لیے 1.5پاؤنڈ ادا کرنا ہوں لیکن شیمپو یا صابن ساتھ لانا ہوگا۔ ہیئر ڈرائی کرانے کے لیے 2پاؤنڈ جمع کرانے ہوں گے اور ٹی وی دیکھنے کے لیے ایک دن کا کرایہ 3پاؤنڈ جبکہ ایک گھنٹے انٹرنیٹ کنکشن کے لیے1.5پاؤنڈ اور 24گھنٹے کے لیے3پاؤنڈ ادا کرنا ہوں گے۔ اسی طرح صفائی ستھرائی کے لیے 7.5پاؤنڈ کی ادائیگی کرنا ہوگی۔ٹیلی فون پر بکنگ کروانے پر مزید3پاؤنڈ فیس لی جائے گی تاہم آن لائن بکنگ کی کوئی فیس نہیں ۔ مجموعی طور پر اس ہوٹل میں ایک رات گزارنے کا اوسطاً کرایہ35پاؤنڈ ہوگا۔