لبنانی کابینہ کا اسلحہ کے پھیلاؤ کو روکنے کیلئے کارروائی پر اتفاق

جنگ نیوز -
لبنانی کابینہ کا اسلحہ کے پھیلاؤ کو روکنے کیلئے کارروائی پر اتفاق

بیروت…لبنانی وزیر اعظم سعد حریری کے زیر صدارت لبنانی کابینہ نے عام شہریوں کے قبضے میں اسلحہ کے مسئلے سے نمٹنے اور اس کے پھیلا کو روکنے کے لیے کارروائی پر اتفاق کیا ہے. یہ فیصلہ شیعہ اور سنی دھڑوں کے درمیان مشین گنوں اور راکٹ گرینیڈوں سے حالیہ خونریز جھڑپ کے بعد کیا گیا ہے۔ حریری نے ایک بیان میں کہا ہے کہ ''اب سے فوج اور سکیورٹی فورسز، آرمی اور داخلی سلامتی کی فورسز ملک میں سکیورٹی کی ذمے دارہوں گی اور وہ اس ملک میں کسی بھی مسئلہ کا سبب بننے والوں کا پیچھا کریں گی خاص طور پر ان ایسے لوگوں کا جو گذشتہ روزخونریز لڑائی کا سبب بنے تھے''۔ سعد حریری نے اپنے بیان میں کہا کہ ''لبنان کی ہر گلی اور شاہراہ پر اسلحے کے پھیلا کی اجازت نہیں دی جائے گی''۔حریری بہ ذات اسلحہ کو ضبط کرنے کے لیے قائم کیے جانے والے نئے کمیشن کے سربراہ ہوں گے۔بیروت کے نواحی علاقے میں منگل کے روز حزب اللہ کے حامیوں اور شام نواز ایک سنی گروپ الاحباش کے درمیان لڑائی میں تین افراد ہلاک ہو گئے تھے۔اس لڑائی میں راکٹ گرینیڈوں اور بھاری مشین گنوں کا آزادانہ استعمال کیا گیا تھا۔دونوں گروپوں کا کہنا ہے کہ واقعہ ایک ذاتی تنازعے کا نتیجہ تھا اور وہ فوج کے ساتھ اس کی تحقیقات کے سلسلہ میں تعاون کر رہے ہیں۔