اب سڑکوں پر گاڑیاں بھی پلکیں جھپکاتی نظر آئیں گی

جنگ نیوز -
آسٹن . . . . . . .سینٹرل مانیٹرنگ…آج کل گاڑیوں کو نت نئے ڈیزائن اور اور اشکال میں ڈھالنا بھی ایک فیشن بنتا جارہا ہے اور روایتی گاڑیوں سے بور آجانے والے افراد اس فیشن کو اختیار کرنے میں ذرا بھی ہچکچاہٹ کا مظاہرہ نہیں کر رہے۔حال ہی امریکی ریاست ورجینیا سے تعلق رکھنے والی ایک خاتون ڈیزائنرJoeنے گاڑیوں کو زنانہ کشش کا اسٹائل دینے کے لیے اگلی ہیڈ لائٹس پر لگائی جانے والی بڑی بڑی پلکیں تیار کی ہیں۔Carlashesنامی یہ پلکیں خاص لچکدار مٹیریل سے تیار کی گئی ہیں جو ہیڈ لائٹس کی گولائی میں ٹیپ کے ذریعے موڑ کر لگائی جاسکتی ہیں اور تقریباً23ڈالر میں باآسانی دستیاب ہیں۔جہاں ترقی پذیر ممالک میں گاڑیوں اور بسوں پر سینگ ،تلواریں کھوپڑیاں لگی نظر آنا ایک عام بات بن چکی ہے وہیں ترقی یافتہ ممالک میں اس ضمن میں ایسی تقلید سامنے آنا تمام ممالک کی آپسی ذہنی مطابقت کی ترجمانی کرتا ہے۔