بوسنیا: خاتون نے کتے کے نومولود بچے دریا میں پھینک دیئے

جنگ نیوز -
سرائیو . . . دنیا میں ایسے بھی ملک ہیں جہاں انسانی جان کی کوئی قدر و قیمت نہیں ہوتی لوگوں کو بے دردی سے قتل کردیا جاتاہے اور کوئی اف تک نہیں کرتا۔تاہم اس دنیا میں ہی کئی ایسے ممالک اور قومیں بھی ہیں جن کے لیے جانوروں کی جانیں بھی اتنی ہی قیمتی ہیں جتنی انسانی جان۔حال ہی میں بوسنیا میں ایک ایسا ویڈیو سامنے آیا ہے جس میں ایک خاتون کتے کے چھ نومولود بچے دریا میں پھینک رہی ہے۔یو ٹیوب پر موجود اس ویڈیو میں ایک خاتون ایک سفید رنگ کی بالٹی سے ایک کے بعد ایک کتے کے بچوں کو دریا میں پھینک رہی ہے۔ خاتون کی شناخت نہیں ہوسکی کیونکہ اس کا چہرہ ہڈ سے چھپا ہوا ہے۔تاہم یوٹیوب کی اس ویڈیو کو دیکھنے کے بعد بوسنیا میں جانوروں کے حقوق کی ایک تنظیم نے حکومت سے اس خاتون کا پتا لگانے کی درخواست کی ہے۔پولیس اس معاملے کی تفتیش کررہے ہے۔بوسنیا نے حال ہی میں جانوروں کے تحفظ کا قانون منظور کیا ہے جسکے تحت جانوروں سے بدسلوکی پر پانچ ہزار یورو سے ایک لاکھ یوروں کا جرمانہ عائد ہوتا ہے۔