کراچی :ٹارگٹ کلنگ کا شکار ایڈوکیٹ مختار سپر د خاک

آج نیوز - کراچی میں ٹارگٹ کلنگ کا نشانہ بنے والے ایڈوکیٹ مختارحسین بخاری کو سپردخاک کردیا گیا. نماز جنازہ کے موقع پر فائرنگ اور ہنگامہ آرائی میں دو افراد زخمی ہوگئے. شیعہ علماء کونسل نے تین روزہ سوگ کا اعلان کردیا۔مختار حسین ایڈوکیٹ کی نماز جنازہ جامع مسجد مصطفی عباس ٹاون میں ادا کی گئی جسمیں وکلاء تنظیموں کے رنماوں سمیت لوگوں کی بڑی تعداد نے شرکت کی۔ شرکاء نے ابولحسن اصفہانی روڈ بلاک کرکے احتجاج کیا اور نعرے بازی کی۔ جنازے کے موقع پر دکانیں بند کرانے کے لئے فائرنگ کی گئی۔ جس سے دو افراد زخمی ہوگئے۔ اس سے قبل شیعہ علماء کونسل کیجنرل سیکرٹری ناظر عباس تقوی نے امام بارگاہ خیرالعمل میں پریس کانفرنس کرتے ہوئے کہا کہ مختارحسین بخاری کے قتل میں پولیس کے اعلیٰ افسران ملوث ہیں۔مختار حسین ایڈوکیٹ کے جنازے کے موقع پر پولیس اور رینجرز کی بھاری نفری تعینات تھی۔ انہیں وادی حسین قبرستان میں سپردخاک کردیا گیا۔