کراچی کی صورتحال پر صدر زرداری کی زیر صدارت اجلاس آج ہوگا

آج نیوز - کراچی کی صورتحال پر صدر زرداری کی زیر صدارت آج دوپہر دو بجے اہم اجلاس ہوگا۔ جب کہ صدر کی قائم کردہ کمیٹی بھی آج ایم کیو ایم سے بات چیت کرے گی۔ کراچی میں امن خواب بن کر رہ گیا ہے۔ ملاقاتوں سے کچھ حاصل ہورہا ہے اور نہ ہی اجلاسوں سے کچھ برآمد۔ لیکن پھر بھی سب کی نظرین ان پر ہی ہوتی ہیں کہ اس کے علاوہ کوئی چارہ نہیں۔ آج بھی صدر مملکت آصف علی زرداری کی زیر صدارت ایک اجلاس اسلام آباد میں نہیں بلکہ کراچی میں ہی ہورہا ہے۔ وزیر داخلہ رحمان ملک کے مطابق دو پہر دو بجے ہونے والے اس اجلاس میں پاکستان کے اقتصادی دارالحکومت میں امن و امان پر غور ہوگا۔