اندرون ملک سے کراچی آنے والی تمام ٹرینیں تاخیر کا شکار

آج نیوز - اندرون ملک سے کراچی آنے والی تمام ٹرینیں تاخیر کا شکار ہیں۔ جس کے باعث ریل کے مسافر ہی نہیں بلکہ ان کے عزیز و اقارب بھی شدید کرب سے گزر رہے ہیں۔ پشاورسے کراچی آنے والی نائٹ کوچ گیارہ گھنٹے ، خیبر میل ساڑھے پانچ گھنٹے، قراقرم ایکسپریس چارگھنٹے، ملت ایکسپریس پانچ گھنٹے، علامہ اقبال ساڑھے پانچ گھنٹے، فرید ایکسپریس پانچ گھنٹے اور تیز گام تین گھنٹے تاخیر کا شکار ہے۔ جبکہ کراچی سے اندرون ملک جانے والی سپر ایکسپریس اور عوامی ایکسپریس اپنے مقرر وقت پر روانہ ہوئی جبکہ ہزارہ ایکسپریس سوا دو گھنٹے تاخیر سے روانہ ہوئی۔