ہیڈ بلوکی پر ہونیوالی موٹراسپیڈ ریس فیصل آباد نے جیت لی

آج نیوز - دریائے راوی میں ہیڈ بلوکی کے مقام پر ہونے والی موٹراسپیڈ ریس فیصل آباد نے جیت لی۔ موٹر اسپیڈ ریس میں منگلا، تربیلا اور دیگر علاقوں کے ریسکیو ورکرز مد مقابل تھے۔ اس مقابلے میں خواتین نے بھی خصوصی شرکت کی۔مقابلے کو دیکھنے کے لئے شائقین کی بڑی تعداد موجود تھی،جنہوں نے ریس کے مختلف مراحل میں کھلاڑیوں کی حوصلہ افزائی کی۔ کانٹے دار مقابلوں کے بعد فیصل آباد ڈویژن کی ٹیم کامیاب قرار پائی۔ کھلاڑیوں نے ایسے مقابلوں کا انعقاد جاری رکھنے کی ضرورت پر زور دیا۔ شائقین کا کہنا تھا کہ موٹر بوٹ ریس جیسے ایونٹس سے نہ صرف لوگوں کو ایک اچھی تفریح میسر آئے گی بلکہ ریسکیو ورکرز کی عملی تربیت میں بھی مدد ملے گی۔