کراچی:شورش زدہ علاقوں میں پولیس کا نام نہاد آپریشن

آج نیوز - کراچی کے شورش زدہ علاقوں میں پولیس نے نام نہاد آپریشن کیا۔ جس میں نہ تو ملزمان کا پتہ لگ سکا اور نہ کوئی گرفتاری ظاہر کی گئی۔ملیر کے علاقے داؤد گوٹھ اور جعفرطیار سوسائٹی میں پولیس نے گھر گھر تلاشی لی۔ یہ وہ علاقے ہیں جہاں اتوار کے روز پانچ گھنٹے مسلسل گولیاں چلتی رہیں اور راکٹ لانچر تک چلائے گئے مگر پولیس اہلکار شہریوں کو نیند سے جگا کر گھروں سے باہر لائے اور ان پر تشدد کرتے رہے۔ پولیس کی اعلیٰ کارکردگی کا یہ عالم تھا کہ بھاری اسلحے کے نام پر صرف ایک ٹی ٹی پستول برآمد کی گئی۔ڈی آئی جی ایسٹ نے ملیر اور لانڈھی میں آپریشن کی کارکردگی ظاہر کرنے کے لئے نیوز کانفرنس کرڈالی تاہم ملزمان اور برآمدگی کے سوال پر تسلی بخش جواب دینے میں ناکام رہے۔