قومی ایئرلائن کی 4 پروازیں منسوخ، کئی تاخیرکا شکار

اے آر وائی - قومی ایئرلائن کی ناقص پلاننگ کے باعث چار پروازیں منسوخ کردی گئیں جبکہ متعدد پروازیں تاخیر کا شکار ہیں۔ پی آئی اے میں طیارون کی کمی کے باعث لاہور سے فرینکفرٹ، کراچی سے لاہور، اسلام آباد سےلاہور، لاہور سے دبئی اور دبئی سے لاہور کیلئے پروازیں منسوخ کردی گئیں۔



دوسری جانب کراچی سے دمام اور دمام سے لاہور جانے والی پروازیں نو گھنٹے تاخیر کا شکار رہیں۔ کراچی سے ملتان، ریاض سے اسلام آباد، اسلام آباد سے سیالکوٹ اور دیگر پروازیں بھی تاخیر کا شکار ہیں۔ ذرائع کے مطابق بیشتر طیارے حج آپریشن کو کامیاب بنانے کیلئے استعمال کئے جارہے ہیں۔ جس کی وجہ سے اندرون و بیرون ملک مسافروں کو مشکلات کا سامنا ہے۔