لسانی تفریق معاشرتی اور طبقاتی تفریق کا باعث ہے، جسٹس جواد

جیو نیوز - اسلام آباد.......سپریم کورٹ کے جسٹس جواد ایس خواجہ کا کہنا ہے کہ لسانی تفریق معاشرتی اورطبقاتی تفریق کا باعث ہے۔پنجاب جوڈیشل اکیڈمی میں ماحولیاتی انصاف اور پانی سے متعلق کانفرنس سے خطاب میں جسٹس جواد ایس خواجہ نے کہا کہ آئین کا تقاضا ہے کہ قومی زبان اردو کا استعمال روز مرہ زندگی میں کیا جائے ،اگر ہم آئین پر عمل نہیں کریں گے تو کس پر کریں گے۔ انہوں نے کہا کہ طبقاتی تفریق کے خاتمے کیلئے قومی زبان میں بات چیت ضروری ہے۔ انہوں نے کہا کہ پانی کا استعمال اور اسے سنبھالنے کے طریقوں سے آگاہی ہونی چاہیے، آبی ذخائر کی قدر نہ کی تو آنےوالی نسلیں مشکلات کا شکار ہوں گی۔