کراچی:ایدھی کےگھر اورآفس میں ڈکیتی کرنیوالےملزمان کے خاکےجاری

جیو نیوز - کراچی.....معروف سماجی رہنما عبدالستار ایدھی کے گھر اور آفس میں لوٹ مار کرنے والے 3 ملزمان کے خاکے جیو نیوز نے حاصل کرلئے ۔ کراچی کے علاقے کھارادر میں معروف سماجی رہنما عبدالستار ایدھی کے گھر اور آفس میں لوٹ مار کرنے والے 3 ملزمان کے خاکے جیو نیوز نے حاصل کرلئے ہیں، پولیس کی جانب سے جاری کیے گئے خاکوں میں دیکھا جاسکتا ہے کہ ایک ملزم نے الٹی کیپ پہنی ہے اور اس کی مونچھیں ہیں، ایک ملزم کلین شیو ہےاور اس نے بیچ کی مانگ نکالی ہوئی ہے جبکہ ایک ملزم نے ٹوپی پہنی ہوئی ہے اور چشمہ لگایا ہوا ہے،، پولیس کے مطابق ملزمان کی عمریں بالترتیب 50 سال، 39 سال اور 60 سال کے قریب ہیں۔اطلاعات کے مطابق واردات میں مجموعی طور پر دس کروڑ روپے مالیت کی کرنسی اور سونا لوٹا گیا ۔ جس میں ساڑھے 4لاکھ امریکی ڈالرز، ہزاروں پاؤنڈز، دو کروڑ روپے نقد، 5کلوگرام سونا اور دیگر سامان شامل ہے ، تاہم کھارادر تھانے میں درج ایف آئی آر میں لوٹی گئی اشیا کی کل مالیت کا تذکرہ نہیں ہے۔