بھارت کو بھارت کی ہی زبان میں ہی سمجھانا پڑے گا، خواجہ آصف

جیو نیوز - اسلام آباد........وزیردفاع خواجہ آصف نے کہا ہےکہ بھارت امن کی زبان نہیں سمجھتا ۔لگتا ہے کہ اسے بھارتی زبان میں ہی سمجھانا پڑے گا۔پارلیمنٹ ہاوس کے باہر میڈیا سے گفت گو کرتے ہوئے خواجہ آصف کا کہنا تھا کہ بھارتی وزیراعظم نریندر مودی نے اپنے انتہا پسندانہ رویوں کا واضح اظہار کر دیا۔بھارتی وزیراعظم کے ہاتھ پہلے بھی مسلمانوں کے خون سے رنگے ہوئے تھے۔ آج بھی بے گناہ مسلمانوں کا خون کر رہے ہیں۔بھارتی فائرنگ کے واقعہ کو ہر فورم پر اٹھایا گیا ہے، حکومت دیکھ رہی ہے کہ معاملہ اقوام متحدہ کے فورم پر بھی اٹھایا جائے۔