تازہ ترین سرخیاں
 تازہ ترین خبریں 
3 جنوری 2015
وقت اشاعت: 8:43

دہشت گردی کیخلاف سیاسی اورفوجی قیادت یک زبان ہیں،عابد شیر علی

جیو نیوز - اسلام آباد ........مسلم لیگ ن کے رہنما عابدشیرعلی کا کہنا ہے کہ دہشت گردی کے خلاف سیاسی وفوجی قیادت یک زبان ہے۔ متحدہ قومی موومنٹ کے عبدالرشید گوڈیل نے کہا کہ آرمی چیف نے فوجی عدالتوں کے ذریعے صرف’’ جیٹ بلیک‘‘ دہشت گردوں کے خلاف کارروائی کا یقین دلایا ہے ۔پارلے منٹ ہاوس کے باہر جیو نیوز سے گفتگو میں وزیر مملکت پانی و بجلی عابد شیر علی نے کہا فوجی عدالتوں کے قیام سے دہشت گردی کے خاتمے میں مدد ملے گی۔ ایم کیو ایم کے رہنما رشید گوڈیل کا کہنا ہے کہ فوجی عدالتوں پر تحفظات تھے لیکن جنرل راحیل شریف نے یقین دلایا ہے کہ فوجی عدالتیں صرف جیٹ بلیک دہشت گردوں کے خلاف کارروائی کریں گی۔

متن لکھیں اور تلاش کریں
© sweb 2012 - All rights reserved.