بنوں ، متا ثرین شما لی وزیر ستان کیلیے قائم کیمپوں میں سہولتوں کا فقدان

جیو نیوز - بنوں........بنوں میں فلاحی اداروں کی طرف سے متا ثرین شما لی وزیر ستان کے لئے مختلف مقامات پرکیمپ قائم کیے گئے ہیں ۔متاثرین کی شکایت ہے کہ ان کیمپوں میں سہولتوں کا فقدان ہے اور10 لاکھ سے زائد آئی ڈی پیز کیلیے یہ کیمپس نا کا فی ہیں۔شمالی وزیرستان سے نقل مکانی کرنیوالے10لاکھ سے زائد متاثرین کے لئے بنوں میں فلاحی اداروں کی جانب سے کیمپ قائم کیےگئے ہیں ۔حکومت کی طرف سے صرف ایک کیمپ بکا خیل میں قائم کیا گیا ہے جہاں گنجائش نہ ہونے کی وجہ سے متاثرین فلاحی کیمپوں کا رخ کرتے ہیں۔ لیکن یہاں بھی سہو لتوں کا فقدان ہے۔متاثرین کا کہنا ہے کہ کیمپوں میں بہت سے ایسے خاندان ہیں جو شناختی کارڈ میں دہرےپتے کی وجہ سے راشن اور رقم سے محروم ہیں۔