پاکستان دو ہزار گیارہ کے دوران دنیا کے سب سے بڑے سرچ انجن گوگل پر محمد ۖ اور قرآن کا لفظ سرچ کرنے والا سب سے بڑا ملک رہا۔ ایک حالیہ رپورٹ کے مطابق دنیا بھر کے مقابلے میں پاکستانیوں نے گزشتہ برس محمد ۖ کے لفظ کو سب سے زیادہ سرچ کیا اور پانچ پاکستانی شہر اولین پوزیشن پر رہے۔ اسی طرح دیگر دنیا کے مقابلے میں پاکستان سے گوگل پر لفظ قرآن کو سب سے زیادہ سرچ کیا گیا اور شہروں کے حوالے سے کراچی، اسلام آباد اور لاہور دنیا بھر کے شہروں میں سرفہرست رہے۔ تعلیم کے لحاظ سے پاکستان دیگر ممالک سے بہت پیچھے ہیں مگر دو ہزار گیارہ کے دوران گوگل پر ایجوکیشن کا لفظ سب سے زیادہ پاکستانیوں نے ہی سرچ کیا۔ اسی طرح لفظ انگلش سرچ کرنے میں بھی پاکستان سرفہرست رہا، جبکہ لفظ اسلام سرچ کرنے میں پاکستانی تیسرے نمبر پر رہے۔ پاکستان جاب اور پیس کے الفاظ سرچ کرنے والا بھی سب سے بڑا ملک رہا جبکہ انفارمیشن ٹیکنالوجی کی سرچ میں اسے ساتواں جبکہ تھیسس لفظ میں دوسرا نمبر ملا۔
سماجی رابطہ