پست قامتی کا نیا عالمی ریکارڈ

نیپال سے تعلق رکھنے والے بہتر سالہ چندرا بہادر ڈنگی کو دنیا کا سب سے پست قامت شخص قرار دے دیا گیا۔ گنیز بک آف ورلڈ ریکارڈ میں نام شامل کر لیا گیا۔ نیپال سے تعلق رکھنے والے چندرا بہادر کی عمر بہتر سال اور قد صرف اکیس اعشاریہ پانچ سینٹی میٹر ہے۔ انہیں دنیا کا سب سے پست قامت شخص قرار دے دیا گیا ہے۔ اس سے پہلے یہ منفرد اعزاز فلپائن کے جونرے بلاونگ کے پاس تھا جن کا قد تئیس اعشاریہ پانچ سینٹی میٹر اور عمر اٹھارہ سال تھی۔ گنیز بک آف ورلڈ ریکارڈ کے نمائندگان نے کھٹمنڈو میں پریس کانفرنس کے دوران بتایا کہ چندرا بہادر اتنے چھوٹے قد کے حامل پہلے شخص ہیں۔ گنیز بک کی تاریخ میں کبھی اتنے پست قامت شخص کا نام شامل نہیں ہوا۔ سو اس لحاظ سے یہ ایک منفرد اعزاز ہے۔