سونے کی قیمت سے مہنگی فیس کریم

جاپان کی کاسمیٹکس کمپنی نے سونے سے بھی مہنگی فیس کریم متعارف کرا دی۔ میڈیا رپورٹ کے مطابق جاپانی کاسمیٹکس کمپنی شیسدر نے پچاس گرام جار کی ایک فیس کریم متعارف کرائی ہے جس کی قیمت پچاس ہزار ین ہے۔ رپورٹ کے مطابق یہ کریم ملک میں پچاس گرام سونے کی قیمت کے مقابلے میں بھی دگنی ہے۔ رپورٹ کے مطابق ابھی اس کریم کے صرف تین جار فروخت ہوئے ہیں جبکہ کمپنی کا کہنا ہے کہ وہ اپنے کسٹمرز سے اس نئی پراڈکٹ کی پسندیدگی اور اس کی خرید میں اضافے کی امید رکھتی ہے۔