Kam doodh piine walay bachon mein pait kay sartaan ka khatrah

Aik nai tibbi tehqeeq kay mutabiq jo bachay bachpan mein kam doodh peetay hain in ko baaligh Umri mein pait kay nichale hissay ka sartaan ' ' baol cancer ' ' la-haq ho sakta hai. newziland kay tibbi mahireen ka kehna hai ke chalees feesad kam doodh piine walay bachon mein yeh khatrah note kiya gaya hai. mahireen kay mutabiq doodh sartaan kay khatraat ko roknay ke liye aik ahem ghizai jazo saabit ho raha hai, rozana baqaidagi say doodh ka istemaal sartaan kay khatray ko taweel arsa tak rokay rakhta hai. daily express mein shaya honay wali iss tehqeeq kay mutabiq bachpan mein doodh ka istemaal nisbatan zyada behtar hota hai. professor brain koks ne apni iss tehqeeq mein bataya hai ke doodh mein shaamil calcium sartaan kay khalion ko halak karnay mein aik chimiavi farmission tarteeb dainay ka ahal hai. jis say nah sirf quwwat mudafat mein izafah hota hai balkay khaas tour par sartaan kay marz ko kam karnay mein bhi madad milti hai. tehqeeq kay mutabiq chay saal ki Umar tak baqaidagi say doodh piine walay bachon ko baaligh umri mein sartaan kay khatraat say khatir khawah nijaat milti hai. yeh tehqeeq ' ' american journal of apedamaloji ' ' mein shaya hui hai.